ដោយ៖ កាន់ វិច្ឆិកា និងស៊ុន ណារិន | ថ្ងៃព្រហស្បតិ៍ ទី24 កក្កដា 2014
លោក ជាម យៀប មន្ត្រីជាន់ខ្ពស់គណបក្សប្រជាជនកម្ពុជា
មន្ត្រីជាន់ខ្ពស់គណបក្សប្រជាជនកម្ពុជា ឲ្យដឹងថា បេក្ខជនជាប់ឆ្នោតជាតំណាងរាស្ត្រគណបក្សសង្គ្រោះជាតិទាំង៥៥រូប នឹងមិនទទួលបានប្រាក់បៀវត្សរ៍ក្នុងរយៈពេលពហិការចូលប្រជុំសភានោះទេ ក្រោមហេតុផលថាអ្នកទាំងនោះ មិនមែនជាតំណាងរាស្ត្រពេញសិទ្ធិ។
តំណាងរាស្ត្រគណបក្សប្រជាជនកម្ពុជា លោក ជាម យៀប ប្រាប់VODនៅរសៀលថ្ងៃព្រហស្បតិ៍នេះថា បើតាមរដ្ឋធម្មនុញ្ញ បេក្ខជនជាប់ឆ្នោតជាតំណាងរាស្ត្រទាំង៥៥នោះ នឹងមិនអាចទទួលបានប្រាក់បៀវត្សរ៍នោះទេ ដោយសារពួកគាត់ មិនមែនជាតំណាងរាស្ត្រពេញសិទ្ធិ ដែលបានចូលស្បថសច្ចាប្រណិធាន និងបម្រើប្រជាជន។
លោកបញ្ជាក់ថា«ខ្ញុំលើកយកតែច្បាប់និយាយទេ។ ទីមួយរដ្ឋធម្មនុញ្ញ គឺថាអ្នកដែលបានទទួលនូវសុពលភាពរួចរាល់អស់ហើយ ប៉ុន្តែមិនទាន់បានចូលទៅស្បថ មិនទាន់ក្លាយទៅជាតំណាងរាស្ត្រទេ។...យោងទៅតាមអ្វីដែលរដ្ឋធម្មនុញ្ញចែង នៅពេលដែលគាត់ធ្វើពិហិការមិនព្រមចូល អាណ្នឹងគឺថាយើងមិនអាចធ្វើបាន។គាត់ទាល់តែស្បថហើយ បានគាត់មាននូវលក្ខខណ្ឌបី ទីមួយទទួលបានអភ័យឯកសិទ្ធិសភា ទីពីរទទួលបានប្រាក់បំណាច់របស់តំណាងរាស្ត្រដែលរដ្ឋប្រគល់ជូន និងទីបីទទួលបាននូវកៅអីឬអាសនៈ ដែលគាត់ត្រូវអង្គុយសម្រាប់ប្រជុំពេញអង្គនៅក្នុងមន្ទីរប្រជុំធំសភា។ខ្ញុំយល់ឃើញថា អានេះខ្លួនខ្ញុំទេ មិនអាចទទួលប្រាក់បៀវត្សរ៍របស់រដ្ឋបានទេ ដោយសារយើងមិនអាចបំពេញការងារជូនម្ចាស់ឆ្នោតនៅក្នុងរដ្ឋសភា»។
លោក ជាម យៀប ឲ្យដឹងទៀតថា ជាមធ្យមប្រាក់បៀវត្សរ៍ដែលតំណាងរាស្ត្រមួយរូប ទទួលបានមានជាង ៨លានរៀល(ជាង២ពាន់ដុល្លារ) ដែលក្នុងនោះ៩៤ម៉ឺនរៀលជាប្រាក់ខែ និងក្រៅពីនោះជាប្រាក់ប្រជុំ ប្រាក់ម៉ោង និងប្រាក់ស្នាក់នៅជាដើម។
មាត្រា ៨២ថ្មីនៃរដ្ឋធម្មនុញ្ញ ឲ្យដឹងថា តំណាងរាស្ត្រទាំងអស់ ត្រូវធ្វើសច្ចាប្រណិធានមុនចូលកាន់តំណែងដូចមានខ្លឹមសារចែងក្នុងឧបសម្ព័ន្ធទី៥នៃរដ្ឋធម្មនុញ្ញ។
អ្នកនាំពាក្យគណបក្សសង្គ្រោះជាតិ លោក យឹម សុវណ្ណ មានប្រសាសន៍ថា គណបក្សសង្គ្រោះជាតិ មិនទាន់គិតពីរឿងបើកប្រាក់បៀវត្សរ៍នោះទេ ដោយសារតែជាប់រវល់ការងារកំណែទម្រង់ជាច្រើនទៀត។ លោកបញ្ជាក់ថា«ខ្ញុំមិនទាន់បានយកការគិត ពេលវេលាទៅគិតរឿងប្រាក់ខែ ព្រោះពួកយើងខ្ញុំទាំងអស់គ្នា កំពុងតែខិតខំរៀបចំផែនការសកម្មភាព និងពិនិត្យច្បាប់ដែលត្រូវកែទាំងអស់ ឲ្យស្របតាមស្មារតីនៃកិច្ចព្រមព្រៀង ធ្វើម៉េចគឺត្រូវតែកែទម្រង់គជប កែទម្រង់រដ្ឋសភា កែទម្រង់ប្រព័ន្ធផ្សព្វផ្សាយ និងការកែទម្រង់ផ្សេងៗទៀត»។
ប្រធានក្រុមប្រឹក្សាភិបាលមជ្ឈមណ្ឌលសិទ្ធិមនុស្សកម្ពុជា លោក អ៊ូ វីរៈ មានប្រសាសន៍ថា បើតាមច្បាប់ បេក្ខជនជាប់ឆ្នោតជាតំណាងរាស្ត្រទាំងនោះ នឹងមិនអាចទទួលបានប្រាក់បៀវត្សរ៍នោះទេ តែអ្វីៗអាស្រ័យលើការចរចារវាងគណបក្សនយោបាយទាំងពីរ។
បើតាមការគណនា ក្នុងករណីតំណាងរាស្ត្រម្នាក់ទទួលបានប្រាក់បៀវត្សរ៍ចំនួន២ពាន់ដុល្លារ នោះក្នុងរយៈពេល១០ខែនៃការធ្វើពហិការរបស់បេក្ខជនជាប់ឆ្នោតជាតំណាងរាស្ត្រទាំង៥៥រូប ត្រូវទទួលបាន១,១លានដុល្លារ៕
មន្ត្រីជាន់ខ្ពស់គណបក្សប្រជាជនកម្ពុជា ឲ្យដឹងថា បេក្ខជនជាប់ឆ្នោតជាតំណាងរាស្ត្រគណបក្សសង្គ្រោះជាតិទាំង៥៥រូប នឹងមិនទទួលបានប្រាក់បៀវត្សរ៍ក្នុងរយៈពេលពហិការចូលប្រជុំសភានោះទេ ក្រោមហេតុផលថាអ្នកទាំងនោះ មិនមែនជាតំណាងរាស្ត្រពេញសិទ្ធិ។
តំណាងរាស្ត្រគណបក្សប្រជាជនកម្ពុជា លោក ជាម យៀប ប្រាប់VODនៅរសៀលថ្ងៃព្រហស្បតិ៍នេះថា បើតាមរដ្ឋធម្មនុញ្ញ បេក្ខជនជាប់ឆ្នោតជាតំណាងរាស្ត្រទាំង៥៥នោះ នឹងមិនអាចទទួលបានប្រាក់បៀវត្សរ៍នោះទេ ដោយសារពួកគាត់ មិនមែនជាតំណាងរាស្ត្រពេញសិទ្ធិ ដែលបានចូលស្បថសច្ចាប្រណិធាន និងបម្រើប្រជាជន។
លោកបញ្ជាក់ថា«ខ្ញុំលើកយកតែច្បាប់និយាយទេ។ ទីមួយរដ្ឋធម្មនុញ្ញ គឺថាអ្នកដែលបានទទួលនូវសុពលភាពរួចរាល់អស់ហើយ ប៉ុន្តែមិនទាន់បានចូលទៅស្បថ មិនទាន់ក្លាយទៅជាតំណាងរាស្ត្រទេ។...យោងទៅតាមអ្វីដែលរដ្ឋធម្មនុញ្ញចែង នៅពេលដែលគាត់ធ្វើពិហិការមិនព្រមចូល អាណ្នឹងគឺថាយើងមិនអាចធ្វើបាន។គាត់ទាល់តែស្បថហើយ បានគាត់មាននូវលក្ខខណ្ឌបី ទីមួយទទួលបានអភ័យឯកសិទ្ធិសភា ទីពីរទទួលបានប្រាក់បំណាច់របស់តំណាងរាស្ត្រដែលរដ្ឋប្រគល់ជូន និងទីបីទទួលបាននូវកៅអីឬអាសនៈ ដែលគាត់ត្រូវអង្គុយសម្រាប់ប្រជុំពេញអង្គនៅក្នុងមន្ទីរប្រជុំធំសភា។ខ្ញុំយល់ឃើញថា អានេះខ្លួនខ្ញុំទេ មិនអាចទទួលប្រាក់បៀវត្សរ៍របស់រដ្ឋបានទេ ដោយសារយើងមិនអាចបំពេញការងារជូនម្ចាស់ឆ្នោតនៅក្នុងរដ្ឋសភា»។
លោក ជាម យៀប ឲ្យដឹងទៀតថា ជាមធ្យមប្រាក់បៀវត្សរ៍ដែលតំណាងរាស្ត្រមួយរូប ទទួលបានមានជាង ៨លានរៀល(ជាង២ពាន់ដុល្លារ) ដែលក្នុងនោះ៩៤ម៉ឺនរៀលជាប្រាក់ខែ និងក្រៅពីនោះជាប្រាក់ប្រជុំ ប្រាក់ម៉ោង និងប្រាក់ស្នាក់នៅជាដើម។
មាត្រា ៨២ថ្មីនៃរដ្ឋធម្មនុញ្ញ ឲ្យដឹងថា តំណាងរាស្ត្រទាំងអស់ ត្រូវធ្វើសច្ចាប្រណិធានមុនចូលកាន់តំណែងដូចមានខ្លឹមសារចែងក្នុងឧបសម្ព័ន្ធទី៥នៃរដ្ឋធម្មនុញ្ញ។
អ្នកនាំពាក្យគណបក្សសង្គ្រោះជាតិ លោក យឹម សុវណ្ណ មានប្រសាសន៍ថា គណបក្សសង្គ្រោះជាតិ មិនទាន់គិតពីរឿងបើកប្រាក់បៀវត្សរ៍នោះទេ ដោយសារតែជាប់រវល់ការងារកំណែទម្រង់ជាច្រើនទៀត។ លោកបញ្ជាក់ថា«ខ្ញុំមិនទាន់បានយកការគិត ពេលវេលាទៅគិតរឿងប្រាក់ខែ ព្រោះពួកយើងខ្ញុំទាំងអស់គ្នា កំពុងតែខិតខំរៀបចំផែនការសកម្មភាព និងពិនិត្យច្បាប់ដែលត្រូវកែទាំងអស់ ឲ្យស្របតាមស្មារតីនៃកិច្ចព្រមព្រៀង ធ្វើម៉េចគឺត្រូវតែកែទម្រង់គជប កែទម្រង់រដ្ឋសភា កែទម្រង់ប្រព័ន្ធផ្សព្វផ្សាយ និងការកែទម្រង់ផ្សេងៗទៀត»។
ប្រធានក្រុមប្រឹក្សាភិបាលមជ្ឈមណ្ឌលសិទ្ធិមនុស្សកម្ពុជា លោក អ៊ូ វីរៈ មានប្រសាសន៍ថា បើតាមច្បាប់ បេក្ខជនជាប់ឆ្នោតជាតំណាងរាស្ត្រទាំងនោះ នឹងមិនអាចទទួលបានប្រាក់បៀវត្សរ៍នោះទេ តែអ្វីៗអាស្រ័យលើការចរចារវាងគណបក្សនយោបាយទាំងពីរ។
បើតាមការគណនា ក្នុងករណីតំណាងរាស្ត្រម្នាក់ទទួលបានប្រាក់បៀវត្សរ៍ចំនួន២ពាន់ដុល្លារ នោះក្នុងរយៈពេល១០ខែនៃការធ្វើពហិការរបស់បេក្ខជនជាប់ឆ្នោតជាតំណាងរាស្ត្រទាំង៥៥រូប ត្រូវទទួលបាន១,១លានដុល្លារ៕
Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.
0 យោបល់:
Post a Comment