លោក ស៊ុយ សែម ៖ កម្ពុជាកំពុងចរចាលក់ថាមពលអគ្គិសនីប្រហែល១០០មេហ្កាវ៉ាត់ទៅឲ្យវៀតណាម ឬ ថៃ នៅរដូវវស្សានេះ

រាជធានីភ្នំពេញ ៖ រដ្ឋមន្រ្តីក្រសួងរ៉ែ និង ថាមពល លោក ស៊ុយ សែម បានមានប្រសាសន៏ថា នៅពេលនេះកម្ពុជាមិនខ្វះភ្លើងអគ្គិសនីប្រើបា្រស់នោះទេ ការដាច់ភ្លើងដោយសារតែការជួសជុលបណ្តាញ ហើយថានៅរដូវវស្សាឆ្នាំនេះ កម្ពុជានៅសល់ថាមពលអគ្គិសនី និងកំពុងចរចាលក់ថាមពលដែលនៅសល់នេះឲ្យទៅប្រទេសវៀតណាម ឬ ថៃ ប្រហែល១០០មេហ្កាវ៉ាត់ ។

លោករដ្ឋមន្រ្តីក្រសួងរ៉ែ និង ថាមពលថ្លែងបា្រប់អ្នករាយការណ៏ព័ត៌មានបែបនេះ បានធ្វើឡើងនៅព្រឹកថ្ងៃទី១៩ មិថុនា ២០១៤ ក្រោយពេលលោកបញ្ចប់ការឆ្លើយដោយផ្ទាល់មាត់នៅក្នុងសម័យប្រជុំសភាលើកទី២ នីតិកាលទី៥ ពាក់ព័ន្ឋនិងការអភិវឌ្ឍគម្រោងសាងសង់ទំនប់វារីអគ្គិសនីសេសានក្រោម២ ក្នុងខេត្តស្ទឹងត្រែង ។

បើតាមលោក ស៊ុយ សែម តាមផែនការពីនេះដល់ឆ្នាំ២០២០ ក្រសួងនឹងខិតខំតបណ្តាញខ្សែអគ្គិសនីឲ្យទៅដល់ជិតភូមិទំាងអស់ ហើយពលរដ្ឋ៧០ភាគរយនៅទូទំាងប្រទេសកម្ពុជា នឹងមានភ្លើងអគ្គិសនីប្រើបា្រស់គ្រប់គ្រាន់ ពីព្រោះដល់ឆ្នាំ២០២០ កម្ពុជាមានសមត្ថភាពផលិតថាមពលសម្រាប់ផ្គត់ផ្គង់ការប្រើបា្រស់ បានប្រមាណ២០០០មេហ្កាវ៉ាត់ ៕

Milan Tomic

Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.