ម៉ាឡេស៊ី ជាប់ចំណាត់ថ្នាក់លេខ៣ សម្រាប់ការវិនិយោគទុននៅកម្ពុជា បន្ទាប់ពីចិនលេខ១ និងវៀតណាមលេខ២

ដោយ ៖ អប្សរា

ថ្ងៃចន្ទ ទី២៣ ខែមិថុនា ឆ្នាំ២០១៤ ម៉ោង ១៥:៤៨

កោះសន្តិភាព

ពិធីជំនួបទ្វេរភាគី

រាជធានីភ្នំពេញ ៖ ក្នុងជំនួបទ្វេរភាគីជាមួយលោកឯកអគ្គរាជទូតថ្មីម៉ាឡេស៊ីប្រចាំ នៅកម្ពុជា សម្តេចហេង សំរិន ប្រធានរដ្ឋសភាបានលើកឡើងថា ប្រទេសម៉ាឡេស៊ី ជាប្រទេសដែលជាប់ចំណាត់ថ្នាក់ទី៣ លើវិស័យវិនិយោគទុន បន្ទាប់ពីប្រទេសចិនលេខ១ និងវៀតណាមលេខ២ ។

លោកកែវ ពិសិដ្ឋ នាយកខុទ្ទកាល័យសម្តេចហេង សំរិន ប្រាប់អ្នកសារព័ត៌មានក្រោយចប់ជំនួបនាព្រឹកថ្ងៃទី២៣ មិថុនា នៅវិមានរដ្ឋសភាថា ក្នុងជំនួបនោះសម្តេចប្រធានលើកឡើងពីប្រវត្តិទំនាក់ទំនងជាមួយ កម្ពុជាចាប់តាំងពីឆ្នាំ១៩៥០មកម៉្លេះ ។ ប្រទេសម៉ាឡេស៊ី ជាប់ចំណាត់ថ្នាក់ទី៣ ចំពោះការវិនិយោគទុននៅកម្ពុជា បន្ទាប់ពីប្រទេសចិនលេខ១ និងប្រទេសវៀតណាមលេខ២ ។ ដោយឡែកវិស័យទេសចរណ៍ម៉ាឡេស៊ីមកទស្សនានៅកម្ពុជា ក៏មានការកើនឡើងផងដែរ ។

សម្តេចប្រធានរដ្ឋសភាក៏បានលើកឡើងពីបញ្ហាពលករ ទៅធ្វើការនៅប្រទេសម៉ាឡេស៊ី និងស្នើឱ្យម៉ាឡេស៊ីបន្តការយកចិត្តទុកដាក់ការពារពលករកម្ពុជានៅ ម៉ាឡេស៊ី ដើម្បីទទួលបានលក្ខខណ្ឌការងារល្អពីនិយោជកម៉ាឡេស៊ី ។ ចំពោះកិច្ចសហប្រតិបត្តិការរវាងម៉ាឡេស៊ី លើស្ថាប័ននីតិប្បញ្ញត្តិម៉ាឡេស៊ី និងកម្ពុជា បានបង្កើតក្រុមមិត្តភាពរវាងប្រទេសទាំង២ផងដែរ ។ ម៉ាឡេស៊ីបានដើរតួសំខាន់ក្នុងសភាអាស៊ី និងបានផ្តើមគំនិតផ្តួចផ្តើមសភាអាស៊ីផងដែរ។

សម្តេចប្រធានក៏បានសំណូមពរឱ្យឯកអគ្គរាជទូត ម៉ាឡេស៊ី ជួយគៀងគរអ្នកវិនិយោគទុនមកកម្ពុជាឱ្យបានច្រើន ពិសេសនោះផ្នែកវិស័យកសិកម្ម និងជំរុញភ្ញៀវទេសចរឱ្យបានច្រើនថែមទៀតនៅកម្ពុជា ។

ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព

Milan Tomic

Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.