កោះសន្តិភាព
ការធ្វើសន្និសីទកាសែតរបស់មន្ត្រីយោធាថៃ និងមន្ត្រីក្រសួងព័ត៌មានកម្ពុជា
ខេត្តបន្ទាយមានជ័យ ៖ អ្នកយកព័ត៌មានមកពីអង្គភាពទូរទស្សន៍ វិទ្យុ និងកាសែតជាង១០០នាក់ នៅព្រឹកថ្ងៃទី២៧ មិថុនា បានចាកចេញពីកម្ពុជាតាមច្រកទ្វារអន្តរជាតិប៉ោយប៉ែត ដើម្បីទៅជួបជាមួយឧត្តមសេនីយ៍យោធាជាន់ខ្ពស់តំណាងឱ្យលោក ប្រាយុទ្ធ ចាន់អូចា មេដឹកនាំរដ្ឋប្រហារយោធាថៃ ដែលជំនួបប្រជុំនេះ ធ្វើទ្បើងនៅទីបញ្ជាការយោធា«ស្រមោលស» ក្នុងស្រុកអារញ្ញ ខេត្តស្រះកែវ ។ នេះបើតាមការឱ្យដឹងពីលោក សុខ សុវណ្ណ ប្រធានក្រុមប្រឹក្សាសារព័ត៌មានកម្ពុជា និងជាអគ្គលេខាធិការរងនៃបណ្តាញផ្សព្វផ្សាយព័ត៌មានអាស៊ាន (UMA) ប្រចាំកម្ពុជា ។
លោក សុខ សុវណ្ណ បានប្រាប់តាមទូរស័ព្ទថា ដំណើររបស់អ្នកយកព័ត៌មាននេះ ដឹកនាំដោយលោក អ៊ុក គឹមសេង ទីប្រឹក្សាក្រសួងព័ត៌មាន និងជាអគ្គនាយករងទីភ្នាក់ងារសារព័ត៌មានកម្ពុជា (AKP) ។ អ្នកកាសែតកោះសន្តិភាពកំពុងស្ថិតនៅទីនោះដែរ ។
លោក សុខ សុវណ្ណ បានប្រាប់ទៀតថា មានប្រធានបទ២ ដែលត្រូវចោទសួរក្នុងជំនួបនេះ គឺ ១-ការបញ្ជូនពលករពីប្រទេសថៃ និង២-និយាយពីទំហំពាណិជ្ជកម្មកម្ពុជា-ថៃ តើធ្វើយ៉ាងដូចម្តេចនៅពេលធ្វើសមាហរណកម្មអាស៊ាននាពេលខាងមុខ ។ ក្រៅពីប្រធានបទទាំង២ខាងលើ នៅមានសំណួរជាច្រើនទៀតដូចជា តើត្រូវធ្វើយ៉ាងណា ដើម្បីឱ្យពលករខុសច្បាប់បាននៅធ្វើការបន្តដោយមិនចាំបាច់ ចាប់បញ្ជូនត្រទ្បប់មកវិញជាដើម ។
លោក សុខ សុវណ្ណ បន្តថា កាលពីថ្ងៃទី២៥ មិថុនា កន្លងមក លោកបានទៅជួបមន្ត្រីយោធាថៃថ្នាក់ឧត្តមសេនីយ៍ឯក និងឧត្តមសេនីយ៍ទោ២រូបរួចហើយនៅស្រុកអារញ្ញ ហើយត្រូវបានប្រាប់ថា ការជួបជាមួយអ្នកយកព័ត៌មានមានសារសំខាន់ណាស់ ដែលគេត្រូវតែរកអ្នកបកប្រែដែលល្អបំផុត ព្រោះបើបកប្រែខុសនឹងប៉ះពាល់ដល់បញ្ហាប្រទេសជាតិ ។ ជាមួយនេះ ភាគីថៃនឹងអញ្ជើញអ្នកសារព័ត៌មានទាំងអស់ទៅទស្សនាតំបន់ អភិរក្សឈ្មោះ ប៉ាស៊ីដា នៅក្នុងខេត្តស្រះកែវ ជាប់ព្រំប្រទល់ខេត្តបូរីរ៉ាំ ហើយនិងត្រទ្បប់មកកម្ពុជាវិញនៅថ្ងៃ២៨ មិថុនា ។
នៅក្នុងពិធីជួបជាមួយក្រុមអ្នកកាសែតខ្មែរ មន្ត្រីយោធាថៃបានបដិសេធថា មិនបានចាប់បញ្ជូនពលករកម្ពុជាមកនោះទេ ។ មន្ត្រីយោធារូបនោះបានពន្យល់ ទាក់ទិននិងការវិលត្រឡប់នៃពលករខ្មែរនេះ គឺ ៖
១-ពលករខ្លះបានផុតកិច្ចសន្យាការងារក៏បានវិលត្រឡប់ ។
២-រដូវវស្សាធ្លាក់ភ្លៀងធ្វើស្រែចម្កាក៏មានការវិលត្រឡប់មកធ្វើស្រែ ។
៣-មានការភ័យខ្លាចដោយសារតែមានពាក្យចចាមអារា៉មថានឹងចាប់ដោយកម្លាំងយោធា ។
អ្នកវិភាគយល់ឃើញថា ការបកស្រាយនេះមិនមានអ្វីប្លែកដូចការអះអាងពីមុនមកនោះទេ តែបានផ្ទុយពីអ្វីដែលបានកើតឡើង គឺការចាប់បញ្ចូលពលករខ្មែរជាង២៥ម៉ឺននាក់ដូចទឹកបាក់ទំនប់មក កាន់ប្រទេសក្នុងរយៈពេលជាង១០ថ្ងៃកន្លងមកនេះគឺជាហេតុការណ៍ដែល មិនធ្លាប់កើតមាននោះទេ ។ ការចាប់ពលករខុសច្បាប់បរទេសគឺជាកាតព្វកិច្ចរបស់ប្រទេសនោះ ប៉ុន្តែអ្វីដែលមានការតវា៉នោះគឺដោយសារបានឃើញថា មិនមានលក្ខណៈមនុស្សធម៌សោះដូចជាយករថយន្តបែនដឹកមកចាក់ដូចជា សត្វ ហើយបើតាមសេចក្តីរាយការណ៍នានា ពីពលករដែលបានចាប់ខ្លួននោះគឺអាចហៅបានថា ជាយុទ្ធនាការបោសសម្អាតពលករបរទេសខុសច្បាប់ក៏អាចថាបាន ។
ទោះបីជាបែបណា បញ្ហាពលករខុសច្បាប់បានធូរស្រាលហើយមកដល់ពេលនេះ នឹងសង្ឃឹមថា ពលករចំណាកស្រុកខុសច្បាប់ នឹងត្រូវបានកាត់បន្ថយឬត្រូវបានបញ្ចប់បន្ទាប់ពីមាននីតិវិធី របស់រដ្ឋាភិបាលក្នុងបំណងជំរុញឱ្យពលករខ្មែរទាំងអស់ចូលប្រទេស គេដោយស្របច្បាប់ ។រយៈពេល១៩ថ្ងៃនៃការទទួលពលករខុសច្បាប់ខ្មែរដែលភាគីថៃ បញ្ជូនមកយ៉ាងគំហុក និងតក់ក្រហល់ ត្រូវបានគណៈកម្មការទទួលពលករបានប្រាប់ថា បញ្ចប់ហើយនៅថ្ងៃទី២៧ មិថុនា បន្ទាប់ពីពលករសរុប២០៤.៣៣២នាក់ ត្រូវបានបញ្ជូនមកតាមច្រកទ្វារអន្តរជាតិប៉ោយ ប៉ែត ។
លោក ង៉ោ ម៉េងជ្រួន អភិបាលក្រុងប៉ោយប៉ែត បានប្រាប់ថា នៅពេលអាជ្ញាធរថៃបានចាប់បញ្ជូនពលករខ្មែរតាមច្រកទ្វារអន្តរ ជាតិប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ រយៈពេល១៩ថ្ងៃ ចាប់ពីថ្ងៃទី៩ ដល់ទី២៧ មិថុុនា ២០១៤ ពលករសរុបចំនួន២០៤.៣៣២ នាក់ក្នុងនោះស្ត្រី៧៤.១៤០នាក់ កុមារ១៦.១១៣នាក់ និងរថយន្តថៃដែលដឹកមកចំនួន២.៣២៩ជើង ។ ចំណែករថយន្តយោធា១៥០គ្រឿងដែលត្រូវបានបញ្ជូនទៅចាំដឹកពលករនោះ ក៏បានវិលត្រឡប់ទៅវិញអស់ដែរ ៕
Milan Tomic
Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.
0 យោបល់:
Post a Comment