លោក កឹម សុខា ៖ CNRP រក្សាជំហររូបមន្ត២ភាគ៣ក្នុងការបោះឆ្នោតជ្រើសរើសសមាជិក គ.ជ.ប

រាជធានីភ្នំពេញ ៖ អនុប្រធានគណបក្សសង្គ្រោះជាតិ លោក កឹម សុខា បានមានប្រសាសន៏ថា គណបក្សសង្គ្រោះជាតិ ( CNRP ) នៅរក្សាគោលជំហរដដែល គឺការបោះឆ្នោតជ្រើសរើសសមាជិកគណៈកម្មាធិការជាតិរៀបចំការបោះឆ្នោត ត្រូវធ្វើតាមរូបមន្ត២ភាគ៣ ។

លោក កឹម សុខា ថ្លែងបា្រប់ក្រុមអ្នករាយការណ៏ព័ត៌មានបែបនេះ នៅព្រលានយន្តហោះអន្តរជាតិភ្នំពេញ នៅវេលាថ្ងៃត្រង់ថ្ងៃទី១៧ មិថុនា ២០១៤ ខណៈលោកវិលត្រឡាប់ពីប្រទេសញូហ្សេឡែនក្នុងដំណើរទស្សនកិច្ច សួរសុខទុក្ខសកម្មជននិងក្រុមអ្នកគំាទ្រ ។ យ៉ាងណាក៏ដោយ កោះសន្តិភាពមិនអាចរកការសុំអត្ថាធិប្បាយបានភ្លាមៗនៅឡើយទេពីមន្រ្តីគណបក្ស ប្រជាជនកម្ពុជា ជុំវិញការលើកឡើងរបស់មេបក្សប្រឆាំងរូបនេះ ។

គួរបញ្ជាក់ដែរថា ការថ្លែងបញ្ជាក់ពីគោលជំហររបស់គណបក្សសង្គ្រោះជាតិពីសំណាក់លោក កឹម សុខានាពេលនេះដែរ បានធ្វើឡើងបន្ទាប់ពីសបា្តហ៏មុនក្រុមការងារបច្ចេកទេសនៃគណបក្សទំាងពីរ បានបន្តជួបពិភាក្សាគ្នានៅវិមានព្រឹទ្ឋសភាដោយលើកយករបៀបវារៈ ស្តីពីការបញ្ជូលស្ថាប័ន គ.ជ.ប ទៅក្នុងជំពូកទី១៥នៃរដ្ឋធម្មនុញ្ញ ប៉ុន្តែភាគីទំាងពីរមិនបានឯកគ្នានៅត្រង់ការបោះឆ្នោតជ្រើសរើសសមាជិក គ.ជ.ប ដោយគណបក្សប្រជាជនកម្ពុជារក្សាជំហរប្រើរូបមន្ត ៥០បូក១ដដែល រីឯគណបក្សសង្គ្រោះជាតិនោះវិញក៏បានរក្សាជំហរ២ភាគ៣ដែរ ។

គេនៅមិនទាន់ដឹងថាតើគណបក្សទំាងពីរដែលទទួលបាន អាសនៈសភាក្នុងការបោះឆ្នោតជ្រើសរើសតំណាងរាស្រ្តអាណត្តិទី៥ កាលពីថ្ងៃទី២៨ កក្កដា ២០១៣ នឹងបន្តជួបពិភាក្សាគ្នាដោះស្រាយបញ្ចប់វិបត្តិក្រោយការបោះឆ្នោតទៀត ឬ ក៏យ៉ាងណា តែបើតាមលោក កឹម សុខា នៅមុននេះបន្តិចបានបញ្ជាក់ហើយថា បើសិនជាគណបក្សប្រជាជនកម្ពុជា មិនឯកភាពយករូបមន្ត២ភាគ៣ក្នុងការបោះឆ្នោតជ្រើសរើសសមាជិក គ.ជ.បនោះទេ ការចរចាបន្តទៀតទំនងជាត្រូវបិទបញ្ចប់ ៕

Milan Tomic

Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.