ប្រជាពលរដ្ឋត្អូញត្អែរពីរឿងបាត់សុនខ(ឆ្កែ) ស្ទើរគ្រប់ផ្ទះ ខណៈហាងលក់សាច់ពិសេស រីកជាច្រើនកន្លែងនៅក្នុងក្រុងប៉ៃលិន

vuthy

ថ្ងៃសុក្រ ទី២០ ខែមិថុនា ឆ្នាំ២០១៤ ម៉ោង ២២:៣៧

កោះសន្តិភាព

ទីតាំងលក់សាច់ពិសេស

ខេត្តប៉ៃលិន ៖ ប្រជាពលរដ្ឋរស់នៅក្រុងប៉ៃលិន បានត្អូញត្អែរស្ទើរគ្រប់ៗគ្នាថា សុនខ(ឆ្កែ) ជាទីស្រឡាញ់របស់ពួកគេ ដែលចិញ្ចឹម ដើម្បីឱ្យព្រុសនៅពេលយប់ និងសម្រាប់ចាំយាមផ្ទះជាច្រើនក្បាលត្រូវបានក្រុមឈ្មួញជិះម៉ូតូពេល យប់លួចទាក់ យកទៅលក់នៅតាមហាងសាច់ពិសេសមួយចំនួនក្នុងក្រុងប៉ៃលិន ព្រោះលក់បានថ្លៃជាទីពេញនិយមដល់មនុស្សប្រុសស្រីក្មេងចាស់មួយ ចំនួន ។ ជាក់ស្តែងប្រជាពលរដ្ឋរស់នៅភូមិសួនអំពៅលិច សួនអំពៅកើត ភូមិប៉ាហ៊ីជើង ប៉ាហ៊ីត្បូង ភូមិអូរតាពុកលើ អូរតាពុកក្រោម និងភូមិជាច្រើនទៀត បានបាត់ឆ្កែអស់ជាច្រើនក្បាល ដោយផ្ទះខ្លះបាត់អស់ពីរក្បាល ខ្លះបីក្បាល និងខ្លះទៀតបាត់អស់៤ទៅ៥ក្បាលក្នុង១យប់ៗ ដែលហេតុការណ៍នេះបានកើតឡើងជាបន្តបន្ទាប់ក្នុងខែមិថុនា ២០១៤ ។

ប្រភពព័ត៌មានពីប្រជាពលរដ្ឋបានឱ្យដឹងថា បច្ចុប្បន្ននេះ ដោយសាច់សុនខ(សាច់ឆ្កែ) ជាទីពេញនិយមដល់មនុស្សប្រុសស្រីក្មេងចាស់មួយចំនួន ហើយស្របពេលដែលហាងសាច់ពិសេស (សាច់ឆ្កែ) កំពុងតែកើនឡើងជាច្រើនកន្លែងនៅក្នុងក្រុងប៉ៃលិន ដូចជាហាងនៅខាងក្រោយបញ្ជាការដ្ឋានកងរាជអាវុធហត្ថខេត្តចំនួន ២កន្លែងជាប់គ្នា ស្ថិតក្នុងភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិន ហាងនៅជាប់ផ្លូវជាតិលេខ៥៧មួយកន្លែង ហាងនៅខាងក្រោយវិទ្យាល័យហ៊ុនសែនក្រុងទេពនិម្មិត១កន្លែង ហាងនៅជាប់គ្នា២កន្លែង ស្ថិតនៅភូមិអូរច្រាកណ្តាល សង្កាត់ទួលល្វា ក្រុងប៉ៃលិន និងហាងនៅកន្លែងផ្សេងៗមួយចំនួនទៀត ។

ប្រភពបន្តទៀតថា ជារៀងរាល់ថ្ងៃ ប្រជាពលរដ្ឋស្ទើរតែទាំងអស់រស់នៅក្នុងក្រុងប៉ៃលិន បានព្រួយបារម្ភយ៉ាងខ្លាំងចំពោះការបាត់បង់សត្វឆ្កែចិញ្ចឹមរបស់ ពួកគេ ព្រោះមានឈ្មួញជាច្រើននាក់ បានប្រព្រិត្តអំពើនាំគ្នាជិះម៉ូតូដើរទាក់ឆ្កែនៅពេលយប់យកទៅ លក់នៅតាមហាងមួយចំនួនខាងលើ ព្រោះសាច់ឆ្កែរស់ម្ចាស់ហាងហ៊ានទិញ១គីឡូក្រាមថ្លៃចាប់ពី៦៥០០រៀល ទៅ៧០០០រៀល ។ ចំណែកសាច់ពិសេស(ឆ្កែ)ងាប់ ដែលគេរោលកោសរួច រាល់១គីឡូក្រាមលក់ថ្លៃពី១៥០០០រៀល ទៅ២០០០០រៀល ហើយឆ្កែមួយក្បាលៗដែលពួកគាត់បាត់អាចមានទម្ងន់ចាប់ពី១០គីឡូក្រាម ឡើងទៅដល់១៥គីឡូក្រាមផងដែរ ។

Milan Tomic

Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.