កម្ពុជានាំអង្ករទៅទីផ្សារអន្តរជាតិកើន ៤ ដងលើសឆ្នាំ ២០០៩-២០១០

ប្រធានក្រុមហ៊ុនបៃតងកម្ពុជា ថ្លែងឲ្យដឹងថា ក្នុងឆ្នាំ ២០១១ នេះ កម្ពុជានឹងបង្កើនការនាំអង្ករចេញទៅទីផ្សារអន្តរជាតិឱ្យបាន ៤ ទៅ ៥ ដងលើសឆ្នាំ ២០០៩ និងឆ្នាំ ២០១០ កន្លងទៅ។ ការកើនឡើងនេះ គឺជាការបង្ហាញអំពីសក្ដានុពលសេដ្ឋកិច្ចរបស់ប្រទេសកម្ពុជា។

ដោយ មុំ សុផុន
2011-05-20

១៧-ឧសភា-២០១១ ៖ អង្ករកំពុងហូរចេញពីម៉ាស៊ីនកិនស្រូវមួយរបស់ក្រុមហ៊ុនបៃតងកម្ពុជា នៅក្នុងខេត្តបាត់ដំបង។

RFA/Mom Sophon

លោក ភូ ពុយ ប្រធានក្រុមហ៊ុនបៃតងកម្ពុជា បានថ្លែងឲ្យដឹងក្នុងពេលថ្មីៗនេះថា រយៈពេលមួយត្រីមាសដើមឆ្នាំ ២០១១ នេះ ក្រុមហ៊ុនបាននាំអង្ករចេញប្រមាណ ៥ ម៉ឺនតោន គឺស្មើនឹងបរិមាណនាំអង្ករចេញពេញមួយឆ្នាំ កាលពីឆ្នាំ ២០១០ កន្លងទៅ។

លោកបន្តថា បច្ចុប្បន្ននេះ គឺមានក្រុមហ៊ុនមកពីប្រទេសតំបន់អឺរ៉ុប សហរដ្ឋអាមេរិក ប្រទេសអូស្ត្រាលី និងប្រទេសនៅតំបន់អាស៊ីមួយចំនួន ដូចជាប្រទេសចិនជាដើម គឺកំពុងតែបញ្ជាទិញអង្ករពីកម្ពុជា។

លោក ភូ ពុយ ៖ «សព្វថ្ងៃនេះ ទីផ្សាររង់ចាំយើង។ តើយើងត្រូវប្រឹងប្រែងបែបណា ដើម្បីផ្គត់ផ្គង់ទៅឱ្យទីផ្សារដែលគេអាចទទួលយកបាន។ អ៊ីចឹងដូចជា នៅសហគមន៍អឺរ៉ុប នៅអាស៊ីភាគច្រើនគេចាប់អារម្មណ៍លើកម្ពុជាយើង។ តើកម្ពុជាយើងមានបរិមាណផ្គត់ផ្គង់ឱ្យគេដែរ ឬអត់?»។ រដ្ឋាភិបាលកម្ពុជា មានគម្រោងនាំអង្កចេញទៅទីផ្សារអន្តរជាតិឲ្យបានយ៉ាងតិច ១ លានតោន នៅក្នុងឆ្នាំ ២០១៥ ខាងមុខ។ យុទ្ធសាស្ត្រនេះ គឺដោយសារតែប្រទេសកម្ពុជា បង្កបង្កើនផលស្រូវបានលើសពីតម្រូវការប្រើប្រាស់នៅក្នុងស្រុក។ កម្ពុជា បានហៅការនាំអង្គចេញទៅលក់នៅទីផ្សារអន្តរជាតិនោះថា កម្ពុជា មានមាសសដើម្បីនាំចេញ៕

Milan Tomic

Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.